ამერიკის შეერთებული შტატები ელჩი საქართველოში, კელი დეგნანი აცხადებს, რომ სანქციები ერთ-ერთი გზაა, თუმცა უმჯობესია პოზიციების დაახლოება დიალოგის გზით.

"ჩვენ ვთქვით, რომ სანქცია არის ერთ-ერთი ინსტრუმენტი, თუმცა არა ის, რომლის გამოყენებაც კარგი იქნება. უკეთესია განსხვავებული პოზიციების დაახლოება და გადაჭრა მოხდეს დიალოგის საშუალებით. ჩვენ მიგვაჩნია, რომ დიალოგი არის საუკეთესო გზა ამისთვის", — განაცხადა დეგნანმა.

ჟურნალისტებმა მას ჰკითხეს ღარიბაშვილის განცხადებაზეც, რომელმაც თქვა, რომ სანქციებთან დაკავშირებით "სპეკულაციები" რუსული ნარატივია. კელი დეგნანმა კითხვას ასე უპასუხა:

"ბევრი რამ, რაც ახლა ხდება, გარკვეულწილად ხელს უწყობს რუსულ დეზინფორმაციას".

ამერიკის სახელმწიფო დეპარტამენტის სპიკერმა, ნედ პრაისმა ბრიფინგზე 5-6 ივლისს თბილისში განვითარებულ მოვლენებზე დემნა დევდარიანის კითხვის პასუხად თქვა, რომ ისინი ცდილობენ გააძლიერონ ლგბტქ+ მოძრაობები, დაიცვან ისინი ძალადობისგან, დისკრიმინაციისგან, ირაკლი ღრიბაშვილის მომვალის გადაწყვეტა კი ქართველი ხალხის საქმეა. სპიკერის თქმით, ამერიკის შეერთებული შტატები სანქციების დადებამდე ამაზე არ საუბრობს.

აშშ-ის ელჩმა საქართველოში, კელი დეგნანმა 16 ივლისსაც თქვა, რომ სანქციები ერთ-ერთი ინსტრუმენტია და ამერიკა ღრმად იმედგაცრუებულია უზენაესი სასამართლოს მოსამართლეების დანიშვნის არშეჩერებით.

დღეს, 17 ივლისს კი პრემიერმინისტრმა ღარიბაშვილმა განაცხადა, რომ სანქციებზე საუბარი რუსულ ნარატივს ემსახურება.