აშშ-ის ყოფილი პირველი ლედის, მიშელ ობამას, სადებიუტო ავტობიოგრაფიული წიგნი ქართულ ენაზე ითარგმნა.

წიგნის პრეზენტაცია შედგება 22 ივლისს 19:00 საათზე სასტუმრო ბილტმორის საკონფერენციო დარბაზში.

  • ბილეთების შესაძენად გადადით ლინკზე

სტუდენტებისთვის მოქმედების 20%-იანი ფასდაკლება. პრომო კოდის მისაღებად მოგვწერეთ ლურჯი ოკეანის გვერდზე.

ღონისძიების ფარგლებში სპიკერები იქნებიან:

  • მაკო ჯაოშვილი — პოზიტიური ფსიქოკონსულტანტი, ალტერბრიჯის ვიცე რექტორი, PH.D. ასოცირებული პროფესორი.
  • ნინო ზამბახიძე — ფერმერთა ასოციაციის თავმჯდომარე.

"როგორ გავხდი ის, ვინც ვარ" სერია ლურჯი ოკეანის ფარგლებში გამოიცა. სერია მსოფლიოში აღიარებულ ბიზნესლიტერატურასა და სამოტივაციო ჟანრის წიგნებს აერთიანებს. წიგნში "როგორ გავხდი ის, ვინც ვარ" მიშელ ობამა საკუთარ ცხოვრებისეულ გამოცდილებაზე წერს და მკითხველს უყვება, როგორი იყო მისი ცხოვრება პირველი ლედის რანგში.

მიშელ ობამას მემუარები, ორიგინალური სახელწოდებით Becoming, 2018 წელს გამოიცა და მალევე იქცა ბესტსელერად. წიგნში აშშ-ის 44-ე პრეზიდენტის ცოლი იხსენებს ცხოვრებისეულ გამოცდილებასა და დაბრკოლებებს. მისი გამოცემიდან პირველ ორ კვირაში 2 მილიონი ეგზემპლარი გაიყიდა. გასული წლის ნოემბრის მონაცემებით კი, მთლიანობაში 14 მილიონი ეგზემპლარია გაყიდული. წიგნი New York times-ის ბესტსელერია.