ამერიკის შეერთებული შტატების 43-ე პრეზიდენტი, ჯორჯ ბუში Deutsche Welle-სთან ექსკლუზიურ ინტერვიუში აცხადებს, რომ გერმანიის კანცლერ ანგელა მერკელთან უდიდესი უთანხმოების მიზეზი საქართველოსთვის NATO-ს წევრობისთვის სააპლიკაციო პროცესი (MAP) იყო. ჟურნალისტმა მას ჰკითხა, რა იყო მერკელთან უდიდესი უთანხმოების მიზეზი.

"ალბათ ის, მიგვეცა თუ თუ არა საქართველოსთვის NATO-ს წევრობის სააპლიკაციო პროცესი. ის დარწმუნებული იყო, რომ ეს არასწორი იქნებოდა. მე პირიქით ვფიქრობდი. მაგრამ ჩვენ ეს საკითხი ისე მოვაგვარეთ, პირად უთანხმოებაში არ გადაზრდილა, რადგან პოლიტიკაზე წინ მეგობრობა დგას", — თქვა ბუშმა გერმანულ მედიასთან.