5 ივლისს ჟურნალისტებზე თავდასხმის ბრალდებით დაკავებული ძალადობრივი კონტრაქციის ერთ-ერთი წევრის, თემურ ხარაულის ადვოკატი, ოთარ ხურციძე დაშავებულ ჟურნალისტს უმტკიცებს, რომ მას შეეშალა და მის დაცვის ქვეშ მყოფი დამნაშავე არ არის.

"თქვენ ახლა მე სამართლებრივად მედავებით, მე გეუბნებით, რომ მე სასამართლოში დავამტკიცებ, რომ თქვენ შეგეშალათ... არა, შეგეშალათ, არ იყო ეს ის ადამიანი", — განაცხადა ხურციძემ.

დაშავებული ჟურნალისტის, დეა მამისეიშვილის კითხვას რცხვენია თუ არა, ხურციძე პასუხობს, რომ მას არაფრის არ რცხვენია.

"მე რისი უნდა მრცხვენოდეს, მე ვარ უფლებადამცველი, ადვოკატი გახლავართ, მე არაფრის არ მრცხვენია. გავეცანი, დიახ და დავამტკიცებ, რომ თქვენ ბევრი რამე გეშლებათ", — პასუხობს ადვოკატი.

თემურ ხარაულსა და ძალადობრივი კონტრაქციის კიდევ 3 მონაწილეს დღეს, 9 ივლისს სასამართლომ აღკვეთის ღონისძიების სახით პატიმრობა შეუფარდა.