საგარეო საქმეთა მინისტრი მიხეილ ჯანელიძე სტრასბურგში იმყოფება. იგი ცოტა ხნის წინ ევროსასამართლოში მივიდა. ამის შესახებ, ვიდეო კადრებსა და ინფორმაციას ტელეკომპანია რუსთავი 2 ავრცელებს.

საქართველოს საგარეო საქმეთა სამინისტროს პრესრელიზში წერია, რომ მინისტრი სტრასბურგში შეხვედრებს გამართავს ევროპის საბჭოში, ევროპის საბჭოს საპალამენტო ასამბლეაში და ადამიანის უფლებათა ევროპულ სასამართლოში.

უწყების განმარტებით, მინისტრი ევროპის საბჭოს წარმომადგენლებს ინფორმაციას მიაწვდის ორგანიზაციის პრიორიტეტულ სფეროებში საქართველოს ხელისუფლების მიერ გატარებული რეფორმების შესახებ. საუბარი ასევე შეეხება მიმდინარე და სამომავლო თანამშრომლობის საკითხებს.