NATO-ს გენერალური მდივნის სპეციალურმა წარმომადგენელმა სამხრეთ კავკასიასა და ცენტრალურ აზიაში, ჯეიმს აპატურაიმ დაჯილდოებაზე განაცხადა, რომ ეს არის ყველაზე დიდი ჯილდო, რაც კი ოდესმე მიუღია.

"ეს არის ყველაზე დიდი ჯილდო, რაც მე ოდესმე მიმიღია და ეს ალბათ ასეც დარჩება. უდიდესი მადლობა ამისთვის. ამ ჯილდოს NATO-სა და ყველა ჩემი კოლეგის სახელით ვიღებ", — თქვამ მან.

საქართველოს პრეზიდენტმა, სალომე ზურაბიშვილმა NATO-ს გენერალური მდივნის სპეციალური წარმომადგენელი სამხრეთ კავკასიასა და ცენტრალურ აზიაში ჯეიმს აპატურაი ოქროს საწმისის ორდენით დააჯილდოვა.

"ზოგჯერ ვფიქრობ, რომ ბატონი ჯეიმს აპატურაი ნაკლებად იყო პირადი წარმომადგენელი გენმდივნის საქართველოში და მეტად იყო საქართველოს პირადი წარმომადგენელი NATO-ში. ეს არის ის მთავარი მოტივაცია, რატომღაც გადავწყვიტე ამ 11 წლის თავზე გადმოგცეთ ეს ძალიან მნიშვნელოვანი ქართული ჯილდო, რომელსაც ჩვენ ვანიჭებთ მხოლოდ უცხოელებს და უცხოელებს, რომლებმაც სერიოზული და მნიშვნელოვანი როლი შეასრულეს საქართველოს განვითარებისთვის, საქართველოს უცხოეთში პოპულარიზაციისთვის და თქვენ შემთხვევაში საქართველოს უსაფრთხოებისთვის", — განაცხადა ზურაბიშვილმა.

პრეზიდენტის ადმინისტრაციის განცხადებით, აპატურაი საქართველო-NATO-ს ურთიერთობების გაღრმავებისა და საქართველოს ევროატლანტიკური ინტეგრაციის საქმეში შეტანილი განსაკუთრებული პირადი წვლილისთვის, საერთაშორისო ასპარეზზე საქართველოს სუვერენიტეტისა და ტერიტორიული მთლიანობის მტკიცე დაჯილდოვდა.

ჯეიმს აპატურაის ორბელიანების სასახლეში გამართულ დაჯილდოების ცერემონიაზე სალომე ზურაბიშვილმა პირადად გადასცა.