სკოლებში საგაზაფხულო, 1კვირიანი, არდადეგები მარტში ბრუნდება. სკოლის მოსწავლეებისთვის არდადეგები 8 მარტიდან დაიწყება.

როგორც ცნობილია, წელს საქართველოს სკოლებში სააღდგომო არდადეგები აღარ იქნება, ისევე როგორც ეს ტერმინი.

"აღდგომის დღესასწაულზე სკოლებიც ისევე დაისვენებენ, როგორც სხვა სამსახურები: წითელ პარასკევს - 14 აპრილს და ორშაბათს - 17 აპრილს. შაბათი და კვირა კი ყველასთვის დასვენების დღეა" - აცხადებენ სამინისტროში.

საგაზაფხულო არდადეგები - 8 მარტიდან 15 მარტამდე გაგრძელდება, რაც შეეხება საზაფხულო არდადეგებს, ის 15 ივნისს დაიწყება და 3 თვე, 15 სექტემბრამდე, გასტანს.

იმ შემთხვევაში, თუ 15 სექტემბერი დაემთხვევა უქმე ან დასვენების დღეს, სასწავლო წელი დაიწყება 15 სექტემბრის შემდგომ პირველ სამუშაო დღეს, ხოლო თუ 15 ივნისი ემთხვევა დასვენების დღეს, სასწავლო წლის დასრულების თარიღად განისაზღვრება 15 ივნისის წინა პარასკევი.

პირველი კლასის მოსწავლეებისათვის სასწავლო წელი 27 მაისს დასრულდება, ხოლო დამამთავრებელი კლასის მოსწავლეებისთვის - 20 მაისს.