ფრაქცია ლელო — პარტნიორობა საქართველოსთივს თავმჯდომარე, ბადრი ჯაფარიძე ამბობს, რომ თამარ ჟვანიას მიერ ცენტრალური საარჩევნო კომისიის თავმჯდომარეობიდან გადადგომა სწორი ნაბიჯი იყო. მეტიც, ჯაფარიძე ფიქრობს, რომ ჟვანიას ეს გადაწყვეტილება აქამდეც უნდა მიეღო.

"თამარ ჟვანიას გადაწყვეტილება არის სწორი. იმიტომ, რომ ისეთი ჩატარებული არჩვენების შემდეგ, რომელიც ჩვენ ვნახეთ გასული წლის ოქტომბერში, ეს ნაბიჯი მას უფრო ადრეც უნდა გადაედგა", — განაცხადა ბადრი ჯაფარიძემ.

დღეს, 30 ივნისს, ცენტრალური საარჩევნო კომისიის თავმჯდომარემ, თამარ ჟვანიამ თანამდებობა დატოვა. გადადგომის მიზეზად მან ახალი საარჩევნო რეგულაციებისთვის ფართო პოლიტიკური თანხმობის ხელშეწყობა დაასახელა.

თამარ ჟვანიას თანამდებობიდან გადადგომას ოპოზიცია 2020 წლის ოქტომბრის არჩევნების შემდეგ ითხოვდა. მას არჩევნების გაყალბების ხელშეწყობაში ადანაშაულებდნენ. ჟვანიას გადადგომის მოთხოვნა ჟღერდებოდა ელჩების ფასილიტაციით გამართულ შეხვედრების პერიოდშიც.

გაიგე მეტი: