ქართული ოცნების თავმჯდომარემ, ირაკლი კობახიძემ პარლამენტში ოპოზიციის კრიტიკისას კუ და მორიელის იგავი გაიხსენა. სიტყვით გამოსვლისას კობახიძემ აღნიშნა, რომ ოპოზიციონერი დეპუტატების ნაწილს შარლ მიშელის დოკუმენტზე ხელი მოწერილი არ აქვს, პარალელურად კი პარლამენტის შენობის წინ კარვებია გაშლილი.

"მიშელის დოკუმენტს ხელს არ აწერენ, კარვები აქვთ გაშლილი. გამართლება, რა თქმა უნდა, არ აქვს არც ერთსა და არც მეორეს. ახსნა თუ აქვს ეს მინდა ვიკითხო და ამაზე მივიღო ძალიან მარტივად პასუხი. რა არის ამის ახსნა? ამ ადამიანებს უბრალოდ სხვანაირად არ შეუძლიათ. არის ასეთი იგავი კუ და მორიელი. აი, გადაჰყავს წყალზე კუს მორიელი და კბენს. რატომ კბენს ეკითხებიან, ასეთია მათი გვარი. ასეთია მათი პოლიტიკური გვარი, ასეთია ამ ადამიანების გვარი. ეს არის ერთადერთი ახსნა", — განაცხადა ქართული ოცნების თავმჯდომარემ.

ირაკლი კობახიძის შემდეგ პრემიერმინისტრმა, ირაკლი ღარიბაშვილმა დასკვნითი სიტყვა წარმოთვა, რომელმაც კუ და მორიელის შედარება მოიწონა: "ბატონმა ირაკლიმ ძალიან სწორი შეფასება გააკეთა, როცა შეადარა მორიელს ის ძალა, რომელმაც ძალიან ბევრი უბედურება მოუტანა ჩვენს ქვეყანას".