პარტია მოქალაქეების ლიდერმა, ალეკო ელისაშვილმა პლენარულ სხდომაზე ტრიბუნიდან პარლამენტის თავმჯდომარეს მოუწოდა, პარლამენტის დერეფნებში შესაბამისი ტემპერატურა უზრუნველყოს, რადგან ჟურნალისტებმა, ოპერატორებმა მუშაობა შეძლონ.

"ერთი წუხილი მინდა გადმოგცეთ, დერეფნებში არის აუტანელი სიცხე და არ არის ისეთი ტემპერატურა, როგორიც არის ამ დარბაზში და ჟურნალისტები, ოპერატორები ძალიან წვალობენ. არჩილ თალაკვაძეს შევჩივლე ამის თაობაზე ბიუროს სხდომაზე, მაგრამ თქვენც გთხოვდით, რომ როგორც ყოფილი ჟურნალისტი, გადმოგცემთ ამ თხოვნას, რომ იქნებ იქაც ადამიანური ტემპერატურა იყოს, რომ გახვითქულები არ დადიოდნენ ჩვენი ჟურნალისტები", — განაცხადა ელისაშვილმა პლენარულ სხდომაზე.

პარლამენტის თავმჯდომარემ, კახა კუჭავამ ელისაშვილს უპასუხა, რომ ეს საკითხი უზრუნველყოფილი იქნება.