Reuters-ის ცნობით, საფრანგეთმა და გერმანიამ ურთიერთობების გასაუმჯობესებლად ევროკავშირის სამიტზე რუსეთის პრეზიდენტის, ვლადიმერ პუტინის მიწვევის წინადადება წამოაყენა. ამას წინ უძღოდა რუსეთის ფედერაციისა და აშშ-ის პრეზიდენტების შეხვედრა ჟენევაში, რომელიც ასახავს პარიზისა და ბერლინის შეშფოთებას იმის გამო, რომ ევროკავშირის მიდგომა რუსეთთან მიმართებით ძირითადად მოსკოვის სანქციებზეა მიმართული.

"ჩვენ უნდა ვისაუბროთ იმის შესახებ, თუ როგორ უნდა დავაღწიოთ თავი ამ უარყოფით სპირალს ... მაგრამ ჩვენ ერთიანი წინსვლა გვჭირდება", — თქვა ევროკავშირის ერთ-ერთმა დიპლომატმა და დასძინა, რომ ბალტიისპირეთის ზოგიერთმა ქვეყანა შეიძლება სამიტს არ დაეთანხმოს.

თუ გერმანია-საფრანგეთის ინიციატივა განხორციელდება, ეს იქნება პირველი მსგავსი ტიპის სამიტი 2014 წელს რუსეთის მიერ ყირიმის ანექსიის შემდეგ. ასეთი სამიტები ყირიმის ნახევარკუნძულის ანექსიის შემდეგ შეჩერდა.

ევროკავშირის ლიდერები 24 ივნისს ბრიუსელში გამართულ ორდღიან სამიტზე რუსეთთან ურთიერთობის გაუარესების მართვის ახალ სტრატეგიას განიხილავენ.