ის ფაქტი, რომ თანამედროვე სამყაროს წამყვან ინდუსტრიებში კაცები დომინირებენ, სიახლეს არავისთვის წარმოადგენს. თუმცა ერთ-ერთი ტიკტოკერის, ელის თქმით, ეს ყველაფერი როდია: თავად ის ფიზიკური სამყაროც, რომელშიც ვცხოვრობთ კაცებზეა მორგებული და ქალების საჭიროებები ნაკლებადაა გათვალისწინებული. ამის დასადასტურებლად ელი 20 ათასზე მეტ გამომწერს ვიდეოებში ისტორიულ თუ მეცნიერულ ფაქტებს ხშირად აცნობს.

მაშ ასე, წარმოგიდგენთ 10 ფაქტს, რომელიც ადასტურებს, რომ თანამედროვე სამყარო კაცებზეა მორგებული:

1. მანეკენები, რომლებსაც ავტოავარიის სიმულაციისთვის იყენებენ, კაცის სხეულის სტანდარტის მიხედვით იქმნება, რის გამოც მძიმედ დაშავების ალბათობა ქალების შემთხვევაში უფრო მაღალია.

ფოტო: Giphy

2. მედიკამენტების დიდ ნაწილს კაცებზე ცდიან, რის გამოც ხშირად ექიმები ქალებს იმაზე დიდ დოზას უწერენ, ვიდრე რეალურად სჭირდებათ.

ფოტო: Giphy

3. ჩასახვის საწინააღმდეგო აბების მიღება და გვერდითი მოვლენები ქალებისთვის ნორმალურად ითვლება, თუმცა ცოტა საუბრობს კაცებისთვის განკუთვნილი ჩასახვის საწინააღმდეგო აბების დამზადებაზე.

ფოტო: Giphy

4. 2019 წელს ნასამ ღია კოსმოსში ქალთა ეკიპაჟის გასვლის მისია გადადო, რადგან მათი ზომის სკაფანდრები არ მოეპოვებოდათ.

ფოტო: NASA

5. ხმის ამომცნობი სისტემები, ქალებთან შედარებით, 70%-ით უფრო ეფექტურად ცნობენ კაცების ხმას.

ფოტო: Giphy

6. აუტისტური სპექტრის აშლილობის დიაგნოსტიკა ქალებში გაცილებით უფრო რთულია, ვიდრე კაცებში, რადგან დიაგნოსტიკის კრიტერიუმები სწორედ კაცებისთვის შეიქმნა.

ფოტო: Unsplash

7. გულ-ფილტვის რეანიმაციისთვის გამოსაყენებელი მანეკენები თითქმის ყოველთვის კაცის სხეულის სტანდარტების მიხედვითაა შექმნილი, რის გამოც ხშირად ადამიანებმა ამ პროცედურის ქალებზე ჩატარება კარგად არ იციან. საბედნიეროდ, როგორც იქნა, ქალი მანეკენებიც გამოუშვეს, თუმცა ბევრ ქვეყანას ის ჯერ კიდევ არ აქვს.

8. საოჯახო და სამშენებლო ხელსაწყოები, რომლებიც ქალებს სახლში ჩვეულებრივ სჭირდებათ, ხშირად გამოსაყენებლად რთულია, რადგან ისინი კაცის ხელებისთვისაა შექმნილი.

ფოტო: Pexels

9. N95 პირბადეები ქალებზე სათანადოდ მორგებული არაა, რაც მათ საფრთხის წინაშე აყენებთ.

ფოტო: Unsplash

10. მანქანის თავმისადები კაცისთვისაა შექმნილი, რის გამოც ქალისთვის ის არაკომფორტულია, განსაკუთრებით მაშინ, როდესაც მას თმა აწეული აქვს.