კეთილი იყოს თქვენი მობრძანება დისტოპიურ მომავალში. ჩინეთში, კომპანია Canon-მა ოფისებში კამერა დააყენა, რომელიც აკონტროლებს რამდენად ბედნიერები არიან თანამშრომლები. თუკი კამერას არ გაუღიმე, ვერ მოახერხებ სამსახურში შესვლას, ან შეხვედრის დანიშვნას.

ამ მოწყობილობით ისინი ცდილობენ, მთელი დღის განმავლობაში თანამშრომლების ბედნიერი განწყობის შენარჩუნებას.

ჟურნალი The Financial Times-ის რეპორტის მიხედვით, ჩინური კომპანიები ხელოვნური ინტელექტის დახმარებით, თანამშრომლებს ზედმეტად აკონტროლებენ. ისინი ამოწმებენ კომპიუტერულ პროგრამებს, რომ გაიგონ პერსონალის პროდუქტიულობის დონე. მობილური ტელეფონების საშუალებით კი მათ მოძრაობას სამსახურის დასრულების შემდეგაც ადევნებენ თვალს.

ფოტო: Dribbble

Canon-მა მსგავსი კამერების პრეზენტაცია ჯერ კიდევ გასულ წელს გააკეთა. თუმცა მათ დიდი ყურადღება არ დაუმსახურებიათ, რაც ერთის მხრივ იმაზე მიუთითებს, რომ ტექნოლოგიის ამ მიზნით გამოყენება ძალიან გავრცელებულია და არავის აკვირვებს.

ადამიანების უმეტესობას სჯერა, რომ თანამშრომლების მსგავსი კონტროლი მხოლოდ აზიის ქვეყნებში ხდება. სინამდვილეში კი, აშშ-ს და დიდი ბრიტანეთის კომპანიები არაფრით ჩამოუვარდებიან აზიურ კორპორაციებს. განსაკუთრებით პანდემიის პირობებში, როდესაც თითქმის ყველა სახლიდან მუშაობს, მათ კონტროლის დაკარგვის ეშინიათ.

მიუხედავად ყველაფრისა, მოღიმარ კამერას აქვს ერთი დადებითი თვისება, მისი არსებობის შესახებ ვიცით და სხვა მოწყობილობებისგან განსხვავებით, ის ფარულად არ გვაკონტროლებს.