შალვა პაპუაშვილის განცხადებით, საკითხავია, რამდენად მიაღწევს არჩევნებამდე ექსპრემიერის, გიორგი გახარიას გუნდი. მისი თქმით, ამ დრომდე გახარის განცხადებები არის "გარსი შინაარსის გარეშე".

"ჯერ საკითხავია, რამდენად მიაღწევენ არჩევნებამდე, ამასაც უნდა დავაკვირდეთ. რამდენად მიხვდებიან ზოგადად, რომ აქვთ რაიმე შანსი, რომ მხარდაჭერა მიიღონ. მათი შემოსვლა პოლიტიკაში და გიორგი გახარიას სამი ინტერვიუ იყო სხვადასხვა, რაც კი მოვისმინეთ, შინაარსობრივი ვერაფერი მოვისმენთ. ეს იყო გარსი შინაარსის გარეშე, იყო წყალი, არაფერი ისეთი არ თქმულა, რომელიც რამენაირად ახსნიდა მის დაბრუნებას პოლიტიკაში, ერთი. აქედან გამომდინარე, ბევრი ილაპარაკა, რაც არ იყო სიმართლე საერთოდ", — განაცხადა მან რუსთავი 2-ის ეთერში.

მანვე ივარაუდა, რომ ქართულ ოცნებას არჩევნებზე არათუ დაწესებული 43%-იანი ბარიერის გადალახვა შეუძლია, არამედ მეტსაც მიიღებს.

"რაც შეეხება ადგილობრივი თვითმმართველობის არჩევნებს, ქართული ოცნება მინიმუმ გაიმეორებს იმ შედეგს, რომელიც ჰქონდა საპარლამენტო არჩევნებზე — 48%-ს და მე ვფიქრობ, შეიძლება მეტიც მივიღოთ", — განაცხადა მან.

გახარიას პარტიიდან წასვლის შემდეგ ყოფილიმ თანაგუნდელები მის გადაწყვეტილებას აკრიტიკებდნენ, თუმცა მას შემდეგ, რაც მან პოლიტიკაში დაბრუნებაზე განაცხადა, არაერთი ბრალდება გაჟღერდა.