ეროვნული ბიბლიოთეკის მოძრაობა "ეკვილიბრიუმი" ოკუპაციის ხაზთან მდებარე სოფლებში დათა პაპას სახელობის მცირე ბიბლიოთეკებს გახსნის. 17 ივნისს ხურვალეთში პირველი ასეთი სამკითხველო უკვე გაიხსნა. წიგნები ხურვალეთელ თანატოლებს ევროპული სკოლის მოსწავლეებმა გაუგზავნეს.

"დათა პაპა, იმედია, გახსოვთ. დიდი და გადამდები სიჯიუტის კაცი სოფელ ხურვალეთიდან. სიჯიუტის, რომლის, სულ მცირე, საკუთარ თავთან გამეორება ასე აუცილებელი, მაგრამ მივიწყებულია. ოკუპაციის გამყოფ ხაზთან მდებარე სოფლებში მისი სახელობის მცირე ბიბლიოთეკა-თაროებს გავხსნით. დავიწყეთ სწორედ ხურვალეთიდან. დავიწყეთ სიმბოლურად, ევროპული სკოლის მოსწავლეების მიერ შეგროვებული წიგნებით, რომლებიც მათ საკუთარ ხურვალეთელ თანატოლებთან გაგვატანეს. მალე სხვა სოფლებსაც მოვივლით. მხარდამჭერი კი ამჯერად შპს "სოლუტივო" იქნება",— ამბობს ეროვნული ბიბლიოთეკის დირექტორი გიორგი კეკელიძე.

ფოტო: ეროვნული ბიბლიოთეკა

ფოტო: ეროვნული ბიბლიოთეკა