Doge-ს მიმის ორიგინალი ფოტო, პარასკევს, აუქციონზე NFT-დ, 4 მილიონ ამერიკულ დოლარად გაიყიდა — ამით, Doge ყველაზე ძვირიან მიმად იქცა.

ფოტო აუქციონ Zora-ზე, Atsuko Sato-ს მიერ განთავსდა. სატო ცნობილი მიმის ორიგინალი ფოტოს მფლობელია.

პარასკევს, ერთ-ერთმა ბიდერმა, @pleasrdao-მ, NFT 1 696 ეთერიუმის სანაცვლოდ მოიგო, რაც დღევანდელი კურსით 4 მილიონი დოლარის ექვივალენტია.

NFT-ების გაპოპულარულებასთან ერთად, მიმერებს პირველად გაუჩნდათ შანსი, რომ თავიანთი შექმნილი მიმებით ფული ეშოვათ. მაგალითად, კრის ტორესმა, Nyan cat-ის შემქმნელმა, თავისი მიმი 600 000 ამერიკულ დოლარად გაყიდა.