2021 წლის მაისში, ვითიბი ბანკმა მომხმარებლებს სრულად განახლებული მობიაილბანკის აპლიკაცია შესთავაზა.

მობაილბანკის განახლების მთავარი მიზანი იყო საბანკო პროდუქტებზე ხელმისაწვდომობის გაზრდა და მომსახურებების მიღების გამარტივება. ახალი მობაილბანკი შეიქმნა მომხმარებლებზე ფიქრით და მათი სურვილებისა და მოთხოვნების სრულად გათვალისწინებით. სწორედ ეს იყო იმის მიზეზი, რომ ახალმა აპლიკაციებმა დიდი მოწონება დაიმსახურა და სულ რაღაც 20 დღეში საკმაო წარმატებასაც მიაღწია — ანდროიდის აპლიკაცია Google Play-ის ტოპ ჩარტში მე-2 ადგილზე განთავსდა, ხოლო iPhone-ის აპლიკაციამ 4.8-ვარსკვლავიანი შეფასება დაიმსახურა App Store-ში.

აღსანიშნავია, რომ პირველ 3 კვირაში აქტიური მომხმარებლების ნახევარი უკვე გადმოვიდა ახალ მობაილბანკზე და ტრანზაქციების მესამედიც განახლებულ არხებში გატარდა. ახალ მობაილბანკში შესაძლებელია:

  • მარტივი შესვლა თითის ანაბეჭდით ან სახის სკანერით;
  • მობილურის ბალანსის შევსება და პაკეტების შეძენა უფასოდ;
  • შაბლონების შექმნა და დაჯგუფება;
  • მანქანის დამატება და ჯარიმების მარტივად გადახდა;
  • კონვერტაცია საუკეთესო (სპეც) კურსებით;
  • სხვა სტანდარტული ოპერაციები.

ვითიბის ახალი მობაილნბანკი გამოირჩევა თანამედროვე დიზაინითა და მარტივი და ინტუიტიური ნავიგაციით. განახლების ფარგლებში დაიხვეწა, გამარტივდა და აჩქარდა ყველა პროცესი.

ციფრული საბანკო მომსახურების განვითარება ვითიბი ბანკისთვის ერთერთი სტრატეგიული მიმართულებაა. სრულად განახლებული პლატფორმა ინტერნეტ და მობაილბანკისთვის შეიქმნა საერთაშორისო პროექტის ფარგლებში, რომელშიც ვითიბის გუნდთან ერთად მონაწილეობენ ლატვიური კომპანია UXDA და ჩეხური კომპანია BSC Praha (UX-ისა და დიზაინის და ტექნიკური გადაწყვეტის მიმართულებით).