ნაციონალური მოძრაობის ეღტ-ერთი ლიედრის, ლევან ხაბეიშილის თქმით, ნაციონალური მოძრაობას პარლამენტში მისალმება არ აცადეს, რადგან მათი შესვლიდან 10 წუთში პლენარული სხდომა დახურეს.

"ერთიანი ნაციონალური მოძრაობის შესვლიდან 10 წუთში სხდომა დახურეს, მისალმება არ გვაცალეს და გაიქცნენ",— წერს ხაბეიშვილი.

ნაციონალური მოძრაობა პარლამენტში მივიდა. პარტიის თავმჯდომარემ, ნიკა მელიამ ჟურნალისტებს განუცხადა, რომ მომდევნო ოთხი თვე იქნება ისეთი საინტერესო, რაც "დღემდე არ ჰქონიათ".

ნაციონალური მოძრაობის დეპუტატები საკანონმდებლო ორგანოში სხდომის შესვენების დროს მივიდნენ. ენმ-ს წევრების პარლამენტში არყოფნის გამო, დღეს ამნისტიის კანონპროექტის მოსმენა გადაიდო.

ამასთან, 7 ივნისს პარლამენტში ერთიანი ნაციონალური მოძრაობა — გაერთიანებული ოპოზიცია ძალა ერთობაშიას ფრაქცია შეიქმნა, რომელსაც ხატია დეკანოიძე უხელმძღვანელებს. ფრაქცია 32 წევრისგან შედგება.

30 მაისს პარტიამ საკანონმდებლო ორგანოში შესვლის გადაწყვეტილება მიიღო. მიუხედავად ამისა, ენმ შარლ მიშელის დოკუმენტს ხელს არ მოაწერს. გადაწყვეტილება პოლიტსაბჭოს შემდეგ გახდა ცნობილი. იმავე დღეს საქართველოში ევროკავშირისა და ამერიკის შეერთებული შტატების საელჩოებმა განცხადება გაავრცელეს, სადაც აღნიშნეს, რომ ნაციონალური მოძრაობის პარლამენტში შესვლის გადაწყვეტილებას მიესალმებიან, მაგრამ წუხან ევროპული საბჭოს პრეზიდენტის, შარლ მიშელის დოკუმენტზე ხელის არმოწერის გამო.