ამერიკის შეერთებული შტატების სახელმწიფო მდივნის თანაშემწის მოვალეობის შემსრულებელი, ფილიპ რიკერი კვირის ბოლოს ბაქოსა და ერევანში ვიზიტის შემდეგ საქართველოში დაბრუნდება.

"ამ პრესკონფერენციის შემდეგ, რა თქმა უნდა, მე გავაგრძელებ შეხვედრებს საქართველოში, დღეს ამით დასრულდება. შემდეგ მივემგზავრები ბაქოსა და ერევანში და იქიდან კვლავ უკან დავბრუნდები საქართველოში გარკვეული პერიოდით", — ამბობს რიკერი.

სახელმწფო დეპარტამენტის თანაშემწის მოვალეობის შემსრულებელი საქართველოში გამართულ შეხვედრებზე შარლ მიშელის დოკუმენტის შესრულებას, ასევე, საქართველოს მიმართ რუსეთის აგრესიასა და ოკუპაციას განიხილავს.

ფილიპ რიკერი საქართველოში გასულ წლებშიც იმყოფებოდა, თუმცა ბოლოს — 2020 წლის ნოემბერში. სწორედ ის დატოვა სახელმწიფო მდივანმა, მაიკ პომპეომ არჩევნების შემდეგ ოპოზიციასა და ხელისუფლებას შორის მოლაპარაკებებზე.

აღსანიშნავია, რომ რამდენიმე დღის წინ საქართველოს სენატორები: ჯინ შაჰინი და რობ პორტმანიც სტუმრობდნენ.