ფილმების და სერიალების შემქმნელებს ათას რამეზე უწევთ ფიქრი; დეტალებზე ჩაკირკიტებისას არც ისაა გამორიცხული, სრული სურათი გამოგრჩეს და ამის გამო რიგითი მაყურებლისთვისაც კი ადვილად შესამჩნევი შეცდომა დაუშვა. როგორიც, მაგალითად, დროის გარემოების გაუთვალისწინებლობაა.

წარმოგიდგენთ 10 შემთხვევას, როცა რეჟისორებმა და ზოგჯერ ქასთინგ მენეჯერებმაც წლების სვლა სწორად ვერ შეაფასეს, ან, მარტივად რომ ვთქვათ, დროის შეგრძნება დაკარგეს.

1. პიტერ პენის ფილმებში უენდი ლამის უბერებელია

ანიმაციაში პიტერ პენი 2: ნევერლენდში დაბრუნება მოქმედება მეორე მსოფლიო ომის ეპოქაში მიმდინარეობს. მის წინა ნაწილში კი ისტორია 1900 წელს ხდება. თუკი ყველაზე მიახლოებულად ვივარაუდებთ, რომ პირველ ნაწილში უენდი 12 წლისაა, მაშინ მეორე მსოფლიო ომის დაწყებისას, 1939 წელს, ის უკვე 50 წელს გადაცილებული უნდა ყოფილიყო. ამის მიუხედავად, მეორე ნაწილში ის 30 წლის ახალგაზრდასავით გამოიყურება და 10 წლის ასაკზე უმცროსი შვილები ჰყავს.

2. ფორესტ გამპი, ანუ ამ ფილმში ყველა ბერდება — ფორესტის გარდა

ალბათ იტყვით, მსახიობების შეცვლა არ სურდათო, თუმცა, არც ჯენის და არც ფორესტის დედის შემსრულებელი მსახიობები არ შეუცვლიათ. უბრალოდ, ცოტათი გაზრდილ-დაბერებულის იერი მისცეს. ფორესტი კი მარადიულად 16 წლის დარჩა.

3. პარიზელი ემილი აშკარად რაღაცას გვატყუებს

ლილი კოლინზის თქმით, Emily in Paris-ში მისი პერსონაჟი, დაახლოებით, 22 წლისაა. რაც ნიშნავს რომ:

ა) ემილი 9 წლის იყო, როცა თავისი და თავისი მეგობრების საყვარელი სერიალი, Gossip Girl, დაიწყო. ანუ, მშობლებმა უფროს აუდიტორიაზე გათვლილი შოუს ყურების ნება დართეს.

ბ) სამსახურში აყვანამდე სამუშაო გამოცდილებას როგორღაც გადაახტა.

4. Friends-ში ჯოი 31 წლის მანამდე ხდება, სანამ რეიჩელი 30-ისა შესრულდება

არადა, ჯოი სამეგობროს ყველაზე უმცროსი წევრი უნდა ყოფილიყო. Insider-ის ცნობით, პირველ სეზონში ის 25 წლისაა, მონიკა და რეიჩელი კი 26 წლისები არიან. მომდევნო სეზონში რეიჩელი ამბობს, რომ 31 წლისაა, მანამ, სანამ მისი 30-ე დაბადების დღის სერიას ვნახავთ.

5. ჰარი პოტერი და ნახევარპრინცში დამბლდორი ჯუდ ლოუზე ათწლეულებით უფროსს ჰგავს

1937 წელს, ჯადოსნური არსებების ფილმში განვითარებულ მოვლენებამდე 10 წლით ადრე, ალბუს დამბლდორი ტომ რიდლს სტუმრობს ბავშვთა თავშესაფარში. როგორც ზემოთ განთავსებულ სურათებზე ხედავთ, ჯადოქრების სკოლის დირექტორობა დროზე ადრე აბერებს.

6. ასევე ჰარი პოტერში — ჯეიმსი და ლილი სულაც არ არიან შუახნის ხალხი

ფილმების სერიაში ყველგან, სადაც ჰარის გარდაცვლილი მშობლები ჩნდებიან (დაწყებული სილივრუს სარკიდან დამთავრებული აკრძალული ტყით), ისინი, განსაკუთრებით კი ჯეიმსი, შუახნის ხალხივით გამოიყურებიან. არადა, მხოლოდ 21 წლისები იყვნენ, როცა დაიღუპნენ.

7. კიდევ ჰარი პოტერი — არც ლილის და ჯეიმსის თანატოლების შემსრულებლები ყოფილან ზედგამოჭრილნი პერსონაჟების ასაკისთვის

გარი ოლდმანი (სირიუს ბლექი) ფილმში 46 წლის იყო, დევიდ თიულისი (რემუს ლუპინი) — 41 წლის, ალან რიკმანი (სევერუს სნეიპი) კი, არც მეტი, არც ნაკლები — 57 წლის. არადა, მათი პერსონაჟები მხოლოდ 30 წელს არიან გადაცილებულები.

8. Star Wars-ში ობი-უან კენობი ახალგაზრდობიდან 19 წელიწადში ხანდაზმულად იქცევა

Star Wars: Episode IV — A New Hope-ში ლუკი მხოლოდ 19 წლისაა. სერიის მესამე ნაწილში კი ახალგაზრდა ობი-უანს ვხედავთ, რომელსაც ახალშობილი ლუკი უჭირავს ხელში. გამოდის, რომ ზემოთ მოცემულ კადრებს -შორის სხვაობა 19 წელია. იუან მაკგრეგორი 34 წლის იყო, როცა მესამე ნაწილში ითამაშა, მეოთხე ნაწილში კი მისი პერსონაჟი უკვე 70 წელს გადაცილებულია

9. საბრალონი — 1823 წელს კოზეტი სულ მთლად ბავშვია, ცხრა წლის შემდეგ კი ზრდასრული ხდება

პირველ სურათში ვალჟანს, სავარაუდოდ, 6 ან 7 წლის კოზეტი უჭირავს ხელში, ცხრა წლის შემდეგ კი მას თინეიჯერად კი არა, ზრდასრულ ქალად ვხედავთ (მსახიობი ამ დროს 27 წლის იყო. შესაძლოა, ყველაფერი გულმავიწყი ქასთინგ მენეჯერის ბრალია.

10. ურჩხული და მზეთუნახავი — ურჩხულებისთვის დრო ალბათ სხვანაირად გადის

ლუმიერის თქმით, ისინი 10 წელია, საგნებად აქციეს. მთხრობელი კი პროლოგში ამბობს, რომ ვარდი ურჩხულის 21-ე დაბადების დღემდე აყვავდა. ამდენად, გამოდის, რომ წყევლის დადებისას ის მხოლოდ 11 წლის იყო. სიმართლე ითქვას, არც პირველ ფოტოში გამოსახული პერსონაჟი ჰგავს 11 წლისას, და არც მე-2 ილუსტრაციაზე ნაჩვენები — 21 წლისას.