ზოგი ადამიანი მართალია ფიქრობს, რომ პუტკუნა ლეკვი საყვარელია, მაგრამ ზედმეტი კილოგრამები ძაღლის ჯანმრთელობისთვის, შესაძლოა, სახიფათო აღმოჩნდეს. შინაური ცხოველების სიმსუქნის პრევენციის ასოციაციის თანახმად, აშშ-ში გასულ წლებში ძაღლების ნახევარზე მეტს ჭარბი წონა ჰქონდა.

ძაღლებში ჭარბი წონა დიაბეტისა და გულის დაავადებების რისკს ზრდის. იმის ნიშანი, რომ შენი ძაღლს ცხოვრების წესის ცვლილება სჭირდება, შეიძლება მისი უენერგიობა და თამაშის სურვილის არქონა იყოს. იმისთვის, რომ გაარკვიო, სჭირდება თუ არა მას კვების რაციონში ჩარევა, ვეტერინარს უნდა მიმართო.

თუ აღმოაჩენ, რომ შენი ცუგა ამ პრობლემის წინაშე დგას, გამოსავალი არსებობს. მთავარია ინფორმირებული იყო და იცოდე, როგორ უნდა მოიქცე და დაეხმარო მას, უსაფრთხოდ დაიკლოს წონა. ამაში ვეცდებით ამ რჩევებით დაგეხმაროთ:

1. გადახედე რაციონს

ოქროს წესი: თუ ცუგა იმაზე მეტ კალორიას იღებს, ვიდრე ხარჯავს, ეს ცხოვრების წესი მისი წონის მატებას გამოიწვევს. ამიტომ, უნდა იპოვო საკვები, რომელიც მისთვის იდეალური იქნება. კარგი იქნება ვეტერინართან ისიც გაარკვიო, თუ რა სიხშირით უნდა იკვებებოდეს შენი ძაღლი.

2. შეამცირე სასაჩუქრე ულუფები

გემრიელი კერძები ძაღლის საკვები რაციონის 10%-ს არ უნდა აღემატებოდეს. ან, თუ გინდა რომ შენი ცუგა ჯილდოს გარეშე არ დატოვო, საჩუქარი ვარჯიშის და ფიზიკური დატვირთვის შემდეგ გაუკეთე.

3. წაახალისე თამაშით

ასევე, შეგიძლია ძაღლი სასუსნავის ნაცვლად სხვა რამით დააჯილდოვო: ახალი სათამაშოთი, ჩახუტებით, საყვარელ ადგილზე გასეირნებით და ა.შ.

4. რაციონს დაამატე ხილი და ბოსტნეული

იმისთვის, რომ ძაღლი დიდი ხნით გრძნობდეს თავს დანაყრებულად, მისი კვების რაციონი შეგიძლია ბოსტნეულითა და ხილით გაამდიდრო. მაგალითად: მწვანე ლობიოთი, სტაფილოთი, ბროკოლით, ისპანახით, კიტრით, კენკრითა და ვაშლით.

ამ პროდუქტების ნაწილის მიცემა ნედლი სახითაც შეგიძლია, თუმცა ვეტერინარები ორთქლზე მომზადებულ კერძებს უწევენ რეკომენდაციას.

5. ნელ-ნელა გაზარდე ვარჯიშის დრო

ისევე როგორც ადამიანებს, ცხოველებსაც ვარჯიშის დაწყებამდე სპეციალისტის რეკომენდაცია სჭირდებათ. ვეტერინარმა ვარჯიშის დაწყებამდე, შესაძლოა, ცხოველს დიეტა დაუნიშნოს და მხოლოდ ამის შემდეგ იყოს ის მზად სავარჯიშოდ.

თავდაპირველად, შეგიძლია სასეირნო ადგილებზე სეირნობის ხანგრძლივობა ან სიშორე გაზარდო, ასევე დააკვირდი, როგორ გრძნობს თავს ცუგა ამ პროცესში. თუ მისი სუნთქვა გახშირდა ან მიგანიშნა, რომ დისკომფორტს განიცდის, მიმართე ვეტერინარს.

6. აქციე ის ყველას პრიორიტეტად

შენი ოთხფეხა მეგობარი გარშემომყოფებისგანაც იმსახურებს გაფრთხილებას, ზრუნვასა და პატივისცემას. სწორედ ამიტომ, მისი გაჯანსაღების გზაზე ოჯახის წევრები და სხვა გარშემომყოფებიც ინფორმირებულნი უნდა იყვნენ, რათა შემთხვევით ცუგას კვების რაციონი არ დაურღვიონ.

მეგობრებმა და სტუმრებმა ხშირად იციან მზრუნველობის გამოხატვის მიზნით შინაური ცხოველისთვის მორჩენილი პურის, ხორცის ან სხვა საჭმლის მიცემა, რაც შესაძლოა მისი მკურნალობისა და დიეტის გეგმას არღვევდეს.

კარგი იქნება, თუ ოჯახის წევრებს შეუთანხმდები, რომ ძაღლს მოტივაციას თამაშით, სეირნობით და სხვა აქტივობებით უმაღლებ და არა კალორიული სასუსნავებით.

7. შეურჩიე სპეციალური საკვები "ბურ"

ეს, რაც ერთი შეხედვით სათამაშოა, სინამდვილეში ძალიან სასარგებლოა. მრავალფუნქციური "ბურთი" სხვა სარგებელთან ერთად ცუგას საჭმელსაც ანაწილებს და ცხოველი ნელ-ნელა, მშვიდად, დაყოფილი ულუფებით იკვებება. სათამაშო ძაღლის ნერვულ სისტემაზე დადებითად მოქმედებს და მის შესაძლებლობებს ავარჯიშებს.

8. მოემზადე ცვლილებისთვის

ვარჯიში და ჯანსაღი კვება 1-კვირიანი ან 2-თვიანი პერიოდი არაა, რომლის შემდეგაც ცუგა ძველებურ რეჟიმს დაუბრუნდება. ეს მისი ცხოვრების წესის შეცვლაა, რადგან მანამდე არჩეულმა ვარიანტმა არ გაამართლა. შენი ცხოველის ყოველდღიურობაში ჯანსაღი ჩვევების ჩამოყალიბება და სიახლეების შეტანა შენზეა დამოკიდებული, ისე რომ მან ახალ წესებთან ადაპტირებისას ხალისი არ დაკარგოს. ამ დროს არ უნდა დაგავიწყდეს, რომ მას გვერდით მომთმენი და მზრუნველი მეგობარი სჭირდება.

Farmina იტალიური ნუტრიციული კომპანიაა, რომელიც ცხოველის საკვებს 50 წელზე მეტია აწარმოებს. მის ჰიპერპრემიუმ კლასის პროდუქტს, მსოფლიოს 60-ზე მეტ ქვეყნაში შეხვდებით და მათ შორის 2021 წლიდან უკვე საქართველოშიც. Farmina-ს უნიკალური სერვისი ცხოველის ნუტრიციოლოგების კონსულტაცია უფასოა ყველა მომხმარებლისათვის.