რას აკეთებენ დღეს როსი, რეიჩელი, ჩენდლერი, მონიკა, ფიბი და ჯოუი?

Friends-ის პირველი ეპიზოდი 1994 წელს გამოვიდა. სერიალი 10 წლის განმავლობაში მიმდინარეობდა. მათი ახალგაზრდა ფანებიდან ზოგიერთი დაბადებულიც კი არ იყო, როდესაც ტელეშოუს პრემიერა შედგა.

მეგობრები ძალიან წარმატებული აღმოჩნდა. გარდა იმისა, რომ იგი რეიტინგული იყო, კრიტიკოსების გულის მოგებაც მოახერხა და უამრავი ჯილდოც დაიმსახურა.

შოუს ბოლო ეპიზოდი ეკრანზე 2004 წლის მაისში გამოვიდა და ემოციურ დასასრულს გულგრილი არცერთი მაყურებელი არ დაუტოვებია. 17 წლის შემდეგ, დღეს, 27 მაისს დადგა დღე, როდესაც პერსონაჟების ნაცვლად მსახიობები შეიკრიბნენ და Friends: The Reunion-ში განვლილ გზაზე მოგვიყვნენ.

რასაკვირველია, ამ დროის განმავლობაში მსახიობები ძალიან შეიცვალნენ. თუმცა გარდა მათი ფიზიკური ცვლილებისა, საინტერესოა, როგორ წარმოუდგენიათ შოუს ვარსკვლავებს, სად იქნებოდნენ მათი პერსონაჟები 2021 წელს და როგორ განვითარდებოდა მათი ცხოვრება. ამის შესახებ მსახიობებმა ჯერ კიდევ სპეციალური ეპიზოდის გამოსვლამდე რამდენიმე დღით ადრე ისაუბრეს.

1. რეიჩელი

ფოტო: Warner Bros Tv/Bright/Kauffman/Crane Pro/Kobal/Shutterstock; Courtesy of HBO Max

"იმედი მაქვს, საკუთარი დიზაინით ვქმნი ტანისამოსს და ერთგვარი პატარა ტანსაცმლის ხაზი მაქვს, აი როგორც ნილი ლოტანს. ნიუ-იორკში ვცხოვრობ, ზემო ისტ-საიდში”, — ამბობს ჯენიფერ ენისტონი.

2. მონიკა

"ყოველთვის მგონია, რომ მონიკა ცდილობს სხვა დედებს შეეჯიბროს და ყველაფერში აჯობოს მათ", — ამბობს კორტნი კოქსი. "იქნება ეს ნამცხვრების გაყიდვა თუ სხვა ნებისმიერი კონკურსი. დარწმუნებული ვარ, ძალიან გამაღიზიანებელი იქნება. შეიძლება მშობელთა კომიტეტის თავმჯდომარე იყოს, ან რამე მსგავსი".

3. ფიბი

ფოტო: Warner Bros Tv/Bright/Kauffman/Crane Pro/Kobal/Shutterstock; Courtesy of HBO Ma

ლიზა კუდროუს აზრით: "ფიბი კონექტიკუტში ცხოვრობს მაიკთან და ბავშვებთან ერთად. სკოლაში სამხატვრო პროგრამის ხელმძღვანელია. ალბათ, ყოველთვის უწევს საკუთარი ბავშვების დაცვა, რადგან ისინი მასავით განსხვავებულები იქნებიან".

4. ჩენდლერი

"ჩენდლერი საუკეთესო მამაა და იუმორისტული შოუს სცენარისტად მუშაობს", — ფიქრობს მეთიუ პერი.

5. ჯოუი

მეთ ლებლანკის აზრით: "ჯოუი სენდვიჩების მაღაზიას გახსნიდა".

"და ყველა სენდვიჩს შეჭამდა", — ხუმრობით დაამატა მეთიუ პერიმ.

6. როსი

"დინოზავრების ძვლებთან თამაში გარდა, ვფიქრობ, როსი ჯოუის სენდვიჩების მაღაზიაში ფულს დააბანდებდა და შვილების გამო მთელს თავის დანაზოგს დახარჯავდა" — ამბობს დევიდ შვიმერი.

ძალიან სახალისო წარმოსადგენია, მეგობრები პანდემიის პერიოდში, თვითიზოლაციაში, მონიკას დამზადებულ ორცხობილებს რომ მიირთმევენ და ფიბის სიმღერებზე ერთად მღერიან.

შეიძლება სპეციალურ ეპიზოდში ეს ვერ ვნახოთ, მაგრამ მსახიობები ბევრ საინტერესო ამბავს გაიხსენებენ და ეჭვგარეშეა, რომ მათთან ერთად მაყურებელიც მხიარულად გაატარებს დროს.

ასევე იხილეთ:

ბოლო ამბები:

გირჩევთ

რას აკეთებენ დღეს როსი, რეიჩელი, ჩენდლერი, მონიკა, ფიბი და ჯოუი? — მსახიობების პასუხი