საკოორდინაციო საბჭოს გადაწყვეტილებით, პირველი ივნისიდან საქარველოს სახმელეთო საზღვრები იხსნება. გიორგი ღვიბრაძის განცხადებით, საზღვრის კვეთა შესაძლებელი იქნება სრული ვაქცინაციის დამადასტურებელი დოკუმენტით და PCR უარყოფითი ტესტით.

ასევე, საქართველოში შემოსვლა შესაძლებელი იქნება ბოლო 72 საათის განმავლობაში ჩატარებული PCR ტესტით. ღვიბრაძის განმარტებით, ამ შემთხვევაში ქვეყანაში შემოსული პირები ვალდებული იქნებიან, მომდევნო 72 საათში განმეორებით ჩაიტარონ PCR ტესტი.

მისივე განცხადებით, გაიზარდა იმ ქვეყნების ჩამონათვალი, რომელთა მოქალაქეებს ან რეზიდენტებსაც, 72 საათის განმავლობაში აღებული PCR ტესტით საქართველოში შემოსვლა შეეძლებათ. კერძოდ, ამ სიას დაემატა:

  • კანადა;
  • იაპონია;
  • ქუვეითი;
  • ჩინეთი;
  • სამხრეთ კორეა;
  • მოლდოვა;
  • ომალი.

საბჭო გასცემს რეკომენდაციას, ყველა ვიზიტორს თან ჰქონდეს დაზღვევა, რომელიც ფარავს კოვიდთან დაკავშირებულ შემთხვევებსაც.