შინაგან საქმეთა სამინისტრო მედიაში გავრცელებულ ინფორმაციას, სენაკში დაკარგული 7 წლის ბავშვის ცხედრის სასაფლაოზე პოვნის შესახებ ტყუილს უწოდებს და არ ადასტურებს.

"ეს ინფორმაცია ტყუილია და სიმართლეს არ შეესაბამება, ჩვენ ბავშვის ძებნას განვაგრძობთ უკვე ორი დღეა და სამძებრო სამუშაოები მიმდინარეობს" - უთხრეს On.ge-ს შინაგან საქმეთა სამინისტროს პრესსამსახურში.

7 წლის ბავშვი სენაკში სამიდღის წინ დაიკარგა. გავრცელებული ინფორმაციით, ის შუადღისას ეზოში გავიდა სათამაშოდ.