კვლევებისა და კონსულტაციის გლობალური კომპანიის ACT-ის მიერ ჩატარებული კვლევის მიხედვით, თბილისის მოსახლეობის 20 პროცენტს ჰყავს შინაური ცხოველი ან ფრინველი.

გამოკვლევის თანახმად, შინაურ ცხოველებს შორის ყველაზე გავრცელებულია ძაღლი (60%), პოპულარობით მეორე ადგილზეა თუთიყუში (28%) და მესამეზე - კატა (10%).

კვლევით დადგინდა ისიც, რომ შინაური ცხოველის თუ ფრინველის მეპატრონეებს, მათი მოვლისთვის თვეში საშუალოდ 38 ლარი ეხარჯებათ.

ფოტო: ACT

ACT-ის ინფორმაციით, 2017 წლის იანვარში, კვლევა ჩატარდა შემთხვევითი შერჩევის გზით 400 ზრდასრულ თბილისის მოსახლეს შორის.

მათივე ცნობით, მონაცემთა სტატისტიკური ცდომილება არ აღემატება 4,9 პროცენტს. მკვლევარებმა პირისპირ ინტერვიუს მეთოდი გამოიყენეს.