საქართველოს კომუნიკაციების ეროვნული კომისიის გადაწყვეტილებით, შპს თბილისის არხმა კერძო საერთო ტელემაუწყებლობაზე ავტორიზაცია გაიარა.

კომისიის ცნობით, კომპანია ინტერნეტ ტექნოლოგიის და მაუწყებლობის ტრანზიტზე ავტორიზებული პირების საშუალებით მაუწყებლობის დაწყებას მიმდინარე წლის მარტიდან გეგმავს. არხი დღე-ღამეში 15 საათი ქართულ და რუსულ ენებზე იმაუწყებლებს.

კომუნიკაციების კომისიის განცხადებით, თბილისის არხის დირექტორი და 100 პროცენტიანი წილის მფლობელია ნინო ხუნდაძე. საჯარო რეესტრის მონაცემებით, არხი, როგორც შეზღუდული პასუხისმგებლობის საზოგადოება 2016 წლის 30 აგვისტოს დარეგისტრირდა.