ჩიკაგოში, ერთ-ერთ შენობას ცეცხლი გაუჩნდა, იმისთვის, რომ კატას თავი გადაერჩინა მეხუთე სართულის ფანჯრიდან გადმოხტა, მიწაზე დაეცა და გაიქცა.

ჩიკაგოს სახანძრო დეპარტამენტის პერსონალი შენობის ვიდეოს იღებდა, როდესაც ჩატეხილ ფანჯარაში შავი კატა გამოჩნდა. მან თათებით ფანჯრის რაფის გამძლეობა შეამოწმა და ბოლოს გადმოხტა.

კატის გადმოხტომის დანახვისას, თვითმხილველებმა შეშფოთება გამოხატეს, მაგრამ ცხოველი იღბლიანი აღმოჩნდა, იქვე არსებულ კედელს ასცდა და პირდაპირ გაზონის საფარზე დაეცა.

"ის ცოტა ხნით მანქანის ქვეშ შეძვრა, როდესაც თავი უკეთ იგრძნო გამოვიდა, კედელზე აძრომა სცადა, რომ უკან შენობაში დაბრუნებულიყო", — განაცხადა ერთ-ერთმა მეხანძრემ.

საბედნიეროდ კატას არანაირი დაზიანება არ მიუღია. ხანძარს, რომელიც შენობის ერთ-ერთ ოთახში გაჩნდა, მსხვერპლი არ მოჰყოლია. ცეცხლის გაჩენის მიზეზი ჯერჯერობით უცნობია.