22 თებერვალს Twitter-ზე მომხმარებლის ვიდეო გამოჩნდა, სადაც ნაჩვენებია როგორ იწვის iPhone 7 Plus. ვიდეოს 1,5 მილიონზე მეტი ნახვა აქვს. მომხმარებელი ბრიანა ოლივიასი ამბობს, რომ მისმა ტელეფონმა მოულოდნელად დნობა დაიწყო, შემდეგ კი ბოლი გამოუშვა და აფეთქდა.

როგორც ბრიანა ამბობს, რომ ტელეფონს პრობლემები აფეთქებამდე ორი დღით ადრე შეექმნა. iPhone 7 Plus არ ირთვებოდა, რის შემდეგაც ოლივიასმა დასახმარებლად Apple-ის მაღაზიას მიმართა. ტექნიკურმა ჯგუფმა მცირე შემოწმების შემდეგ დაადგინა, რომ ტელეფონს საგანგაშო არაფერი სჭირდა და ისიც ჩაირთო. მომდევნო დღეს iPhone 7 Plus ჩვეულებრივ მუშაობდა, სიტუაცია კი მეორე დილას შეიცვალა.

„ღამით ტელეფონი დასატენად შევაერთე და ისე დავიძინე. დილით ჩემმა შეყვარებულმა შეამჩნია, რომ ტელეფონი უცნაურ ხმას გამოსცემდა და მცირე ბოლს უშვებდა. მან მობილური სააბაზანოში შეიტანა, სადაც ტელეფონმა უფრო მეტი ბოლი გამოუშვა და დაიწვა.“ - წერს ბრიანა ოლივიასი.

ბრიანამ აღნიშნულის შესახებ Apple-ს შეატყობინა. როგორც კომპანია აცხადებს, ისინი აქტიურად თანამშრომლობენ მასთან. პირველ რიგში, კომპანია ტელეფონის მდგომარეობას შეისწავლის და გაარკვევს, რამ გამოიწვია ტელეფონის აფეთქება. თუ დადასტურდება, რომ მომხდარი ქარხნული წუნის ბრალი იყო, კომპანია მზადაა მომხმარებელს ზარალი აუნაზღაუროს.