ბათუმისა და ლაზეთის მიტროპოლიტი, მეუფე დიმიტრი კორონავირუსის საწინააღმდეგო ვაქცინით აიცრა. კათოლიკოს-პატრიარქის, ილია II-ს ძმისშვილმა Sinopharm-ის ვაქცინა ხელვაჩაურის სამედიცინო ცენტრში გაიკეთა.

"როდესაც შენ იცი, რომ ისტორიულად, ეს ერთადერთ შესაძლებლობაა — ვაქცინაცია, პანდემიის დამარცხების, როდესაც შენ ყოველდღიურად ლოცულობ და უფალს ევედრები, რომ გიხსნას უცნაური სიკვდილისგან, ზედმეტი ფიქრის დრო, თავისთავად აღარ არის", — განაცხადა მეუფე დიმიტრომ ვაქიცნაციის შემდეგ.

მეუფე დიმიტრი მაღალი იერარქიის პირველი სასულიერო პირია, რომელიც საჯაროდ აიცრა. პირველი მართლმადიდებელი სასულიერო პირი, რომელმაც კორონავირუსის საწინააღმდეგო ვაქცინა საჯაროდ გაიკეთა წმ. პანტელეიმონ მკურნალის სახელობის ტაძრის დეკანოზი, გიორგი ჩაჩავა იყო. დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელმა, ამირან გამყრელიძემ ამ ფაქტს სამოქალაქო პასუხისმგებლობის საუკეთესო მაგალითი უწოდა და სასულიერო პირს მადლობა გადაუხადა.

გაიგე მეტი: