ის რაც გლობალურმა პანდემიამ კინომოყვარულებს წაართვა, ფილმების კინოთეატრში ნახვის სიამოვნებაა. კომიქსების გულშემატკივრებისთვის ეს განსაკუთრებული გამოცდილება იყო, რადგან მსგავსი ფილმები დიდ ეკრანზე საყურებლადაა შექმნი.

სტუდია Marvel-ის კინოსამყარომ ბოლო 10 წლის განმავლობაში მაყურებლის გული მოიგო და ფანებს საოცარი თავგადასავალი აჩუქა. მათი ემოციური კამპანიები, სიურპრიზები და თავბრუდამხვევი სიახლეები მუდამ აოცებდა კომიქსების მოყვარულებს. როგორც ჩანს, ისინი არც Covid-19-ს შეუშინდნენ და მომავალი გეგმები ფანებს ემოციური ვიდეოთი გააცნეს.

ვიდეო, რომელიც სავსეა ამაღელვებელი მომენტებით, Marvel-ის კინოსამყაროს მეოთხე ფაზის ტრეილერია. ვიდეო კომიქსების ავტორის, სტენ ლის ხმით იწყება. შემდეგ კი ვხედავთ კადრებს სხვადასხვა ფილმიდან, როგორიცაა Spiderman, Capitan Marvel, Antman და Avengers: Endgame. თუკი ვიდეოს პირველი ნაწილი, მაყურებლისთვის უკვე კარგად ნაცნობ ფილმებზეა ფოკუსირებული, მეორე ნახევარი მომავლისკენ იყურება. სწორედ ამას გვეკითხებას მარველი: "რას მოგვიტანს მომავალი?"

ფოტო: Marvel

შემდეგი 2 წელი მარველის მოყვარულებისთვის ძალიან დატვირთული იქნება. მაყურებელი დაკარგული დროის ანაზღაურებას კიდევ 10 ახალი ფილმით შეძლებს.

ესენია:

  1. Black Widow –– 9 ივლისი, 2021;
  2. Shang Chi and the Legend of the Ten Rings –– 3 სექტემბერი, 2021;
  3. Eternals –– 5 ნოემბერი, 2021;
  4. Spider man: No way home –– 17 დეკემბერი, 2021;
  5. Doctor Strange in the Multiverse of Madness –– 25 მარტი, 2022;
  6. Thor: Love and Thunder –– 6 მაისი, 2022;
  7. Black Panther 2: Wakanda Forever –– 8 ივლისი, 2022;
  8. The Marvels –– 11 ნოემბერი, 2022;
  9. Ant-Man and the Wasp: Quantumania –– 17 თებერვალი, 2023;
  10. Guardians of the Galaxy Vol. 3 –– 5 მაისი, 2023.

ფოტო: Marve

ვიდეოში შეგიძლიათ ნახოთ ახალი კადრები ფილმიდან Shang Chi and the Legend of the Ten Rings. ასევე ცნობილი გახდა, რომ შავი პანტერას მეორე ნაწილს Wakanda Forever ჰქვია. თუმცა, მთავარი როლის შემსრულებელი ჩედვიკ ბოუზმენის გარდაცვალების შემდეგ, ჯერჯერობით უცნობია, როგორ განვითარდება მოვლენები ფილმში.

ფოტო: Marvel

კომიქსების მოყვარულებს ეს ვიდეო გულგრილს ნამდვილად არ დატოვებს. "ჩვენ კინოთეატრებში მივდივართ რომ რეალობას გავექცეთ, ერთმანეთთან კონტაქტი დავამყაროთ და გავიზიაროთ მოგონებები, რომლებსაც არასდროს დავივიწყებთ", — სწორედ ეს არის ვიდეო გზავნილი, სადაც აგრეთვე ნაჩვენებია მაყურებლების რეაქცია კინოთეატრებში Avengers: Endgame-ის ყურებისას.

ფოტო: Marvel

პანდემიის შემდგე, უამრავი კინოთეატრი გაკოტრების პირასაა, სტუდია Marvel-ის წარმომადგენლებს სურდათ მათთვის მხარდაჭერის გამოხატვა. ეს ვიდეო იმედის ის ნაპერწკალია, რომელსაც მაყურებელი დიდი ხანია ითხოვს.

ასევე იხილეთ: