ყირგიზეთი და ტაჯიკეთი ცეცხლის სრულად შეწყვეტაზე შეთანხმდნენ. ინფორმაციას ამის შესახებ Aljazeera ავრცელებს. მედიის ცნობით, ამ კვირაში მიმდინარე შეტაკებების შედეგად, ბოლო მონაცემებით, 49 ადამიანი დაიღუპა, ხოლო ათობით დაშავდა.

29 აპრილიდან ყირგიზეთ-ტაჯიკის საზღვრის სადავო მონაკვეთის გასწვრივ ადგილობრივ მოსახლეობას შორის შეტაკებები გაიზარდა. ყირგიზეთის მთავრობამ 29 აპრილს განაცხადა, რომ წინა დღეს შეტაკებების დროს დაჭრილი ადამიანის გარდაცვალებამ მეტი ძალადობა გამოიწვია.

დაპირისპირების მიზეზად ტაჯიკი ჩინოვნიკების მიერ გოლოვნოის წყლის გამანაწილებელ ცენტრში სათვალთვალო მოწყობილობების დამონტაჟება სახელდება, რომელიც როგორც ყირგიზეთი ამბობს, მდებარეობს იმ ადგილას, სადაც სუვერენიტეტი ჯერ განსაზღვრული არ არის.