საპატრიარქოს საზოგადობასთან ურთიერთობის სამსახურის ხელმძღვანელის, ანდრია ჯაღმაიძის განცხადებით, მათ ტერიტორიაზე სამხედრო მანქანების შესვლა სამხედრო მობილიზებას არ ნიშნავს. მისი თქმით, პატრიარქი ამ გზით რეგიონებში პროდუქტებს გზავნის.

"ჟურნალისტები მწერენ ვერტმფრენიც შენიშნეს და სამხედრო ძალის მობილიზება ხდება საპატრიარქოშიო, სინამდვილეში არავითარი საბრძოლო მოქმედებები არ მიმდინარეობს, პატრიარქმა დახმარება გაუწია და გააგზავნა რეგიონებში პროდუქტები", — წერს ჯაღმაიძე ფეისბუქგვერდზე.

დღეს სოციალურ ქსელში არაერთი პოსტი დაიწერა იმაზე, რომ თბილისის ცაზე სამხედრო ვერტმფრენი და ტექნიკა შენიშნეს, რამაც კითხვები გააჩინა.