დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, კლასტერული გავრცელებიდან საყოველთაო გავრცელებაში გადავედით და თანდათან პიკში შევდივართ. ამის შესახებ მან ფორმულას ეთერში ისაუბრა.

"ჩვენ ვართ ახლა კლასტერული გავრცელებიდან საყოველთაო გავრცელებაში გადავედით და თანდათან პიკში შევდივართ. როგორც მოგახსენეთ, ყველანაირი პროგნოზირებით, ჩვენთვის პიკური პერიოდი უნდა იყოს სადღაც აპრილის ბოლოდან, პირველი ორი კვირა მაისის. ეს დამოკიდებულია იმაზე, როგორ დავიცავთ რეკომენდაციებსა და რეგულაციებს", — თქვა მან.

3-12 მაისს მუნიციპალური ტრანსპორტის მოძრაობა შეიზღუდება. ამის შესახებ საკოორდინაციო საბჭოს სხდომის დასრულების შემდეგ გახდა ცნობილი. საბჭოს გადაწყვეტილებით, ამავე პერიოდში აღნიშნული შეზღუდვა არ ეხება საქალაქთაშორისო ტრანსპორტს. საკოორდინაციო საბჭოზე, ასევე, განაცხადეს, რომ სადღესასწაულო დღეებში სასაფლაოებამდე მისასვლელი გზები დაიკეტება.