საქსტატის ინფორმაციით, 2021 წლის პირველ კვარტალში, გასული წლის შესაბამის პერიოდთან შედარებით, უძრავ ქონებაზე ფასები 13,6%-ით გაიზარდა — კვლევა თბილისის მასშტაბით ჩატარდა და ახლად აშენებული ბინებისა და კერძო სახლების შესახებ ინფორმაციას მოიცავს. ანგარიშის მიხედვით, წლიურად ბინების ფასები 12%-ით, ხოლო კერძოს სახლების ღირებულება 18,3%-ით არის გაზრდილი.

რაც შეეხება მიმდინარე წლის პირველ კვარტალში არსებული ფასების 2020 წლის საშუალოსთან შედარებას, ამ მხრივ ბინების ფასები 8,2%-ით, ხოლო კერძო სახლების — 12,8%-ით არის გაზრდილი. მთლიანი RPPI-ს (უძრავი ქონების ფასების ინდექსი) ზრდამ კი 9,4% შეადგინა.

სტატისტიკა აჩვენებს, რომ 2021 წლის იანვარ-მარტში უძრავ ქონებაზე ფასები წინა კვარტალთან შედარებითაც გაიზარდა. მთლიანი RPPI 2%-ით, მხოლოდ ბინების ღირებულება 1,8%, ხოლო კერძო სახლებზე არსებული ფასები 2,6%-ით არის გაზრდილი.

2021 წლის პირველ კვარტალში ახალაშენებული (დასრულებული) საცხოვრებლების სეგმენტში 1 კვადრატული მეტრის მედიანური ღირებულება თბილისის უბნების მიხედვით ამგვარად გადანაწილდა:

ფოტო: საქსტატი

საქსტატის ინფორმაციით, მონაცემები ვებ-გვერდებიდან ინფორმაციის ავტომატური ჩამოტვირთვისა და ფასების მედიანური მნიშვნელობის გაანგარიშების გზით მიიღება.