თბილისის მერის, კახა კალაძის განცხადებით, ის თავის საქმიანობას აგრძელებს და ჯერ პოლიტიკიდან წასვლას არ აპირებს. ამის შესახებ მან ჟურნალისტებთან საუბრისას განაცხადა.

"ჯანმრთელობის მხრივ მაქვს პრობლემები და ვაგრძელებ მკურნალობას, მაგრამ ჯერ პოლიტიკიდან წასვლას არ ვაპირებ. ქართული ოცნების დამფუძნებელი ვარ, ამ გუნდში ვსაქმიანობ უკვე ბევრი წელია, ბევრი მნიშვნელოვანი პროექტი და რეფორმა განვახორციელეთ. რა თქმა უნდა, ყველაფერს გავაკეთებ ჩემი ქვეყნის და ხალხის საკეთილდღეოდ", — თქვა მან.

რაც შეეხება მომავალ არჩევნებს, კალაძის განცხადებით, მერობის კანდიდატურასთან დაკავშირებით ინფორმაცია საზოგადოებისთვის ცნობილი მოგვიანებით გახდება.