ევროპარლამენტარი ანდრიუს კუბილიუსი ამბობს, რომ ნაციონალური მოძრაობის ლიდერთან, ნიკა მელიასთან თავდებობის იდეის განხილვისთვის მზადაა. ამის შესახებ მან ფორმულას ეთერში ისაუბრა

"თუ ეს იქნება გამოსავალი კრიზისიდან, ჩვენ მზად ვართ, ასეთი იდეა, ასეთი წინადადება განვიხილოთ. ევროპულ პარლამენტში, რა თქმა უნდა, მონახავთ და აღმოაჩენთ ძალიან ბევრ მეგობარს საქართველოს, რომელსაც სურვილი აქვს თავდებში დაუდგნენ [მელიას] და პირადი გარანტიები გასცენ", — თქვა მან.

დღეს ლელოს ლიდერებმა ბრიუსელში ვიზიტისას ევროპარლამენტარებს შესთავაზეს, რომ თავდებში დაუდგნენ ნაციონალური მოძრაობის თავმჯდომარეს, ნიკა მელიას.

ლელოს ლიდერებმა, მამუკა ხაზარაძემ, ბადრი ჯაფარიძემ და გრიგოლ გეგელიამ საქმიანი ვიზიტით ბრისუელში გამგზავრება 16 აპრილს დააანონსეს. მოგვიანებით, ევროპული საბჭოს პრეზიდენტის, შარლ მიშელის საქართველოში ჩამოსვლის გამო გამგზავრება ერთი დღით გადადეს.