გაფრთხილება: ქვემოთ მოყვანილმა არტეფაქტებმა, შესაძლოა, თავი ანტიკური ხანის წარმომადგენლად გაგრძნობინოთ.

თაობებს შორის განსხვავებებზე ხშირად საუბრობენ: რას ანიჭებენ უპირატესობას, როგორ იცვამენ, რითი ერთობიან და რა შეხედულებები აქვთ ამა თუ იმ თაობის წარმომადგენლებს.

საზოგადოების სხვადასხვა ასაკობრივ კატეგორიას შორის არსებული სხვაობის თვალნათლივ დასანახად ერთ-ერთი საუკეთესო გზაა, გაცილებით უფროსებმა შედარებით უმცროსებს ის ნივთები თუ ყოველდღიურობისთვის დამახასიათებელი პროცესები აღუწერონ, რაც წლების წინ მათი ცხოვრების განუყოფელი ნაწილი იყო და ახალი თაობის რეაქციებს დააკვირდნენ.

სწორედ ამ პრინციპით მილენიალები იმ რაღაცებს იხსენებენ, რაც მათთვის ნოსტალგიურ მოგონებებს აღძრავს, ახალი თაობის, იგივე Gen Z-ის წარმომადგენლებისთვის კი წარსული დროის გადმონაშთებად ითვლება.

1. "ვწუხვარ ნეტფლიქსის ეპოქის ბავშვების გამო: ისინი ვერასდროს გაიგებენ, როგორია ტუალეტში/მაცივართან/საძინებელში მთელი სისწრაფით მირბენა ტელევიზორში გასული ხანმოკლე რეკლამის დროს და ეკრანის წინ დარჩენილი ოჯახის წევრის მოულოდნელი შემოძახილი: "დაიწყოოო", რათა ავეჯს გადმოაფრინდე და საყვარელი ფილმის/სერიალის ყურება დროულად განაგრძო"

ფოტო: Giphy

2. ეს რაღაც თავის დროზეც მეტისმეტად უცნაურად გამოიყურებოდა

ფოტო: Twitter

3. "ჩემმა შვილმა მკითხა, რატომ ვამბობ ხოლმე "ყურმილი დაკიდა" და თავი უკვე 90 წლის მგონია"

ფოტო: Giphy

4. "9 წლის დამ მკითხა, ეს რა იყო და როცა ვუპასუხე, რომ ამის საშუალებით ვუყურებდით ფილმებს, გამოშტერდა"

ფოტო: Twitter

5. "როგორც იქნა, იმ თაობამდე მივაღწიეთ, რომელმაც არ იცის, MySpace რა არის"

ფოტო: Twitter

6. არა, ეს მუსიკალური მტვერსასრუტი არ არის

ფოტო: Twitter

7. "დღეს ერთ-ერთმა ბავშვმა მკითხა, რისთვის იყო ეს "მოწყობილობა" მანქანაში საჭირო და მისი ფუნქციების ახსნა დამჭირდა"

8. გულმხურვალე მკითხველი თუ არ იყავი, სკოლის ბიბლიოთეკიდან მაინც გემახსოვრება ეს ქაღალდი, რომლითაც იმის გაგებაც შეგეძლო, მანამდე ვის ჰქონდა წიგნი გატანილი

ფოტო: Twitter

9. მომავალი თაობები არც ამ ლოგოს დანახვისას შეიკურთხებიან

10. "დედა, შეიძლება შენი მობილური ავიღო?"
"რატომ???"

ფოტო: Twitter

11. "რატომ არის Turbo შენი საყვარელი საღეჭი რეზინა?"

12. საყვარელი ფილმებისა და მსახიობების პოსტერების ულევი წყარო

ფოტო: Tako Dzneladze / Facebook