გადაღლილმა, დაძაბულმა, შეურაცხყოფილმა საზოგადოებამ ამოისუნთქა

პრეზიდენტმა სალომე ზურაბიშვილმა განაცხადა, რომ ქართულ ოცნებასა და ოპოზიციის ნაწილს შორის მიღწეული შეთანხმების შემდეგ საზოგადოებამ ამოისუნთქა.

"ეს შეთანხმება, რომელსაც ხელი მოეწერა და რომელიც არის თქვენი და თქვენი წარმომადგენლის და ასევე, აშშ-ს დახმარებით მიღწეული, ძალიან ბევრს ნიშნავს შიდა პოლიტიკური წინსვლისთვის.

პირველ რიგში, ამას აქვს ძალიან დიდი მნიშვნელობა საზოგადოებისთის, რამეთუ ეს საზოგადოება ნამდვილად იყო დაღლილი, ვიტყოდი, კიდევაც გადაღლილი, დაძაბული ამ პოლარიზაციით, დაპირისპირებით და ამ გაუთავებელი არეულობით და თუნდაც, შეურაცხყოფილი. იმიტომ, რომ ეს არ არის ის ღირებულებები, რაც, ყველამ ვიცით, იყო და უნდა იყოს საქართველოს ღირებულებები. ამიტომ, დღევანდელ დღეს, საზოგადოებამ ამოისუნთქა და თვითონაც ფიქრობს, რომ ეს არის მისთვის გამარჯვების დღე", — განაცხადა ზურაბიშვილმა.

ეს განცხადება ზურაბიშვილმა ევროპული საბჭოს პრეზიდენტთან, შარლ მიშელთან შეხვედრის შემდეგ გამართულ ბრიფინგზე გააკეთა.

შარლ მიშელი საქართველოში მეორედ 20 აპრილს ჩამოვიდა, მას შემდეგ, რაც ქართულმა ოცნებამ და ოპოზიციის ნაწილმა მის მიერ შემუშავებულ დოკუმენტს ხელი მოაწერ ა.

გაიგეთ მეტი:

ბოლო ამბები:

გირჩევთ