ევროპული საბჭოს პრეზიდენტის, შარლ მიშელის განცხადებით, დღეს საქართველოში ახალი დასაწყისის ეტაპია, კერძოდ, იმ რთული სამუშაოს დასაწყისი, რომელმაც საქართველო წინ, ევრო-ატლანტიკური გზისკენ უნდა წაიყვანოს.

"ჩემთვის ძალიან დიდი პატივია, რომ ვიმყოფები თბილისში კიდევ ერთხელ. განსაკუთრებულ სასიამოვნოა დღევანდელი ვიზიტი, რადგან დღეს გახლავთ დღე, როცა პოლიტიკურმა ლიდერებმა ხელი მოაწერეს შეთანხმებას, რაც ძალიან მნიშნველოვანი მიღწევაა. პოლიტიკური კრიზისი დასასრულს მიუახლოვდა და პოლიტიკური ჩართულობა გახდა უფრო მდგრადი", — განაცხადა მიშელმა ორბელიანების სასახლეში.

მანვე აღნიშნა, რომ შეთანხმება, რომელიც ხელისუფლებასა და ოპოზიციას შორის მიიღწა, დიდი ძალისხმევის შედეგი იყო.