ერთიანი ნაციონალური მოძრაობა ევროპული საბჭოს პრეზიდენტის, შარლ მიშელის ეგიდით შექმნილ შექმნილ დოკუმენტს ხელს არ აწერს. ამის შესახებ On.ge-ს პარტიის პრესსამსახურში დაუდასტურეს.

ენმ-ს წევრები აცხადებენ, რომ პარტიის თავმჯდომარის, ნიკა მელიას გათავისუფლებამდე შეთანხმების დოკუმენტს ხელს არ მოაწერენ.

დოკუმენტს ინდივიდუალურად აწერს ხელს პარტიის პოლიტსაბჭოს წევრი, სალომე სამადაშვილი. დოკუმენეტს ხელს აწერს ნაციონალურ მოძრაობასთან ერთად პოლიტიკურ ბლოკში, ძალა ერთობაშიაში გაერთიანებული რესპუბლიკური პარტიის თავმჯდომარე, ხათუნა სამნიძეც.

სამადაშვილმა დოკუმენტზე ხელმოწერისას განაცხადა, რომ მისთვის დოკუმენტზე ხელმოწერა არის გზა პოლიტპატიმრების, მათ შორის მისი პარტიის თავმჯდომარის, ნიკა მელიას გათავისუფლებისკენ. რაც შეეხება ხათუნა სამნიძეს, ხელმოწერისას მან თქვა, რომ ელოდება სხვა დეპუტატების ხელმოწერასაც, რომლებიც ჯერ კიდევ ბოიკოტის რეჟიმში არიან.

ქართულ ოცნებასა და ოპოზიციის ნაწილს შორის შეთანხმების დოკუმენტზე ხელმოწერის ცერემონია ორბელიანის სასახლეში გაიმართა.