ტაილანდის მაღაზიაში გიგანტური ხვლიკი შეიჭრა, რომელმაც დახლებს შორისაც იმოგზაურა და ბოლოს ერთ-ერთი განყოფილების თავზე აძვრა. გავრცელებულ ვიდეოში ფონად ადამიანების ყვირილი და სიცილი ისმის, რომელშიც ჩანს, რომ სავარაუდოდ დასტრესილი ქვეწარმავალი ყინულის მაცივრის სიახლოვეს მოკალათდა.

ვირუსული ვიდეო ადგილობრივ ნარუმპა ტენგსენს ეკუთვნის, რომელმაც ინციდენტი ტაილანდის დედაქალაქის, ბანგკოკის სიახლოვეს გადაიღო.

მაღაზიის თანამშრომლებმა პოლიციას გამოიძახეს, რომლებმაც იშვიათი სტუმარი სიტუაციას გაარიდეს და ბუჩქებში გაუშვეს.

ვარანასებრთა ოჯახის წარმომადგენელებს გრძელი, გაორკაპებული ენა აქვთ და წყალსატევებთან და ბუჩქებით დაფარულ ღია ადგილებში ბინადრობენ. მათ შეუძლიათ ხეზე ასვლა და ძალიან სწრაფადაც დარბიან. ისინი წვრილი ძუძუმწოვრებით — ფრინველებით, გველებით, ამფიბიებით — იკვებებიან. ამ სახეობის ხვლიკის სიგრძე მაქსიმუმ 3,7 მეტრს აღწევს, ხოლო წონა — 100 კილოგრამს.

მეცნიერები ვარაუდობენ, რომ ხვლიკი მაღაზიაში წყლის და საკვების გამო შევიდა, რადგან ბოლო პერიოდში ტაილანდში გვალვა იყო.