დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, კანონს ყველა ერთნაირად უნდა ემორჩილებოდეს. ამის შესახებ მან TV პირველის ეთერში ისაუბრა და ასე უპასუხა ჟურნალისტს, რომ რეგულაციებზე პასუხისმგებლობა ორივე მხარემ, როგორც ხელისუფლებამ, ასევე, მოქალაქეებმა უნდა გაიაზრონ.

"დამეთანხმებით, ალბათ, რომ ჩვენ ვაშენებთ სამართლებრივ სახელმწიფოს. სამართლებრივი სახელმწიფოს უზენაესი არის კანონი. კანონი ერთია, ვინც არ უნდა იყოს — ხელისუფალი, მე, თქვენ. კანონს უნდა ვემორჩილებოდეთ ყველა. ისე ქვეყანა ვერ განვითარდება, ამიტომ ვერავინ მოიწონებს თუ ასეთი რამე ხდება", — თქვა მან.

მისი თქმით, რეგულაციების დარღვევა არავისთვის არ უნდა იყოს პრივილეგია და ყველა, იქნება ეს, ხელისუფლების წარმომადგენელი, ოპოზიცია თუ რიგითი მოქალაქე, კანონს უნდა დაემორჩილოს.