თბილისის მერის, კახა კალაძის განცხადებით, დაინტერესებულ პიროვნებებს შეუძლიათ ვაშლიჯვარში მეწყერული ზონის ტერიტორიაზე კვლევის ჩატარება, თუმცა ეს მერიის ზედამხედველობის ქვეშ უნდა მოხდეს.

"ჩვენ აბსოლუტურად გახსნილები ვართ, არავის არ ვებრძვით და არავის წინააღმდეგ არ გამოვდივართ, მაგრამ როდესაც იტყუები, მოსახლეობა შეგყავს შეცდომაში, პანიკას თესავ, ეს კატეგორიულად მიუღებელია. მიუხედავად ყველაფრისა, ვისაც მართლა ინტერესი აქვს, მობრძანდით, ბატონო, დაათვალიერეთ, ნახეთ რა სამუშაოები ტარდება, თქვენ გინდათ კვლევების ჩატარება? ჩაატარეთ, ოღონდ ჩვენი ზედამხედველობის ქვეშ. აქ ბარდაგი და ბალაგანი ვერ იქნება და მაგას ჩვენ არ დავუშვებთ", — განაცხადა თბილისის მერმა.

17 მარტს ფორუმზე გავრცელდა ფოტოები, სადაც ჩანს, რომ ვაშლიჯვრისა და ნუცუბიძის დამაკავშირებელი გზის ფერდობზე ნაპრალები გაჩნდა. ფოტოების გავრცელებამდე, დილით, თბილისის მერმა, კახა კალაძემ განაცხადა, რომ მაჭავარიანის ქუჩაზე მეწყრული პროცესების გააქტიურების გამო ტრანსპორტის მოძრაობა ორმხრივად შეიზღუდებოდა.

მეწყრის შესასწავლად ჩამოსულები იყვნენ გერმანელი ექსპერტებიც. პროცესს მონიტორინგს უწევდნენ დედამიწის შემსწავლელ მეცნიერებათა ინსტიტუტი და სეისმური მონიტორინგის ეროვნული ცენტრის სპეციალისტებიც.

ამავე თემაზე: