მცხეთა-თბილისის მუდმივმოქმედი ეპარქიული საბჭომ, ბერ-მონაზონი ანდრია სარიას განუმარტა, რომ მისი განცხადებები განკვეთას ექვემდებარება. ამის შესახებ ჟურნალისტებთან საპატრიარქოს პრესსპიკერმა, დეკანოზმა ანდრია ჯაღმაიძემ განაცხადა.

"ანდრია სარიას განემარტა, რომ მის მიერ გაკეთებული შეურაცხმყოფელი განცხადებები ექვემდებარება განკვეთას. იცით რომ მამა ანდრია სარიას ადრე მიეცა შენიშვნა, შემდგომში შენიშვნის მერე მას შეუჩერდა მღვდელმსახურება და ზუსტად იგივე ქცევების გამო, რა ქცევების გამო მას შეუჩერდა მღვდელმსახურება, დღეს შედგა კომისია", — ამბობს ჯაღმაიძე.

მისივე განმარტებით, კომისია დებს დასკვნას, ხოლო გადაწყვეტილება საბოლოოდ პატრიარქმა უნდა მიიღოს.