დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, პირბადის ტარების მაჩვენებელი მოსახლეობაში დრამატულად დაცემულია.

"დრამატულად არის დაცემული პირბადის ტარების მაჩვენებელი. 43-ზე გითხარით და კიდევ დღესაც ახალი პროგნოზირება გაკეთდა. 43%-ზეა. 50%-ს ქვემოთ პანდემიის პერიოდში ითვლება ძალიან საგანგაშოდ", — განაცხადა გამყრელიძემ.

25 მარტის მონაცემებით, საქართველოში კორონავირუსის 399 ახალი შემთხვევა გამოვლინდა, გარდაიცვალა 10 ადამიანი, ხოლო გამოჯანმრთელდა — 356.

Stopcov.ge-ზე გამოქვეყნებული ინფორმაციის თანახმად, ინტენსიური ტესტირების ფარგლებში, ქვეყნის მასშტაბით ჩატარდა 25 638 კვლევა ტესტით, მათ შორის, 15 093 კვლევა ანტიგენის ტესტით და 10 545 PCR ტესტით.

რაც შეეხება დადებითობის მაჩვენებელს, დღიური არის — 1,56%, ბოლო 14 დღის — 1,58%, ხოლო ბოლო 7 დღის — 1,92%.

პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 279 027-ს, სულ გამოჯანმრთელდა 271 278 პაციენტი, ხოლო გარდაიცვალა — 3 732.

ინფიცირების ახალი შემთხვევები რეგიონებში ასე გადანაწილდა:

  • თბილისი — 230;
  • აჭარა — 22;
  • იმერეთი — 48;
  • ქვემო ქართლი — 23;
  • შიდა ქართლი — 17;
  • გურია — 9;
  • სამეგრელო-ზემო სვანეთი — 20;
  • კახეთი — 14;
  • მცხეთა-მთიანეთი — 4;
  • სამცხე-ჯავახეთი — 3;
  • რაჭა-ლეჩხუმი და ქვემო სვანეთი — 9.

ამ ეტაპზე ინფიცირების მიმდინარე აქტიური შემთხვევა არის 3 991, საიდანაც: 1 515 ადამიანი მკურნალობს საავადმყოფოში, მათ შორის, მძიმე პაციენტია 302, ხელოვნური სუნთქვის აპარატზე იმყოფება — 86.

195 ადამიანი მოთავსებულია კლინიკურ-სასტუმროებში, ხოლო 2 281 პირი ვირუსის მკურნალობის კურსს გადის საცხოვრებელ ბინაზე. საკარანტინე სივრცეებში იმყოფება 262 ადამიანი, თვითიზოლაციაში — 6 784.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: