კვლევებისა და კონსულტაციის გლობალური კომპანია ACT-ის მიერ ჩატარებული კვლევის მიხედვით, თბილისში უმრავლესობას სმენია ვალენტინობის შესახებ (97%), თუმცა ზუსტი თარიღის შესახებ მხოლოდ 76%-მა იცის.

ცნობადობასთან შედარებით, 14 თებერვლის აღნიშვნის მაჩვენებელი არც ისე მაღალია - დედაქალაქში ყოველი მეოთხე (25%) თბილისელი აღნიშნავს ვალენტინობის დღეს.

ეისითის ინფორმაციით, გამოკითხვა ჩატარდა შემთხვევითი შერჩევის გზით 400 ზრდასრულ თბილისის მოსახლეს შორის, 2017 იანვარში. მონაცემთა სტატისტიკური ცდომილება არ აღემატება 4,9%-ს. კვლევის ჩატარებისას გამოყენებული მეთოდია პირისპირ ინტერვიუ.

ნახეთ კვლევის შედეგები სრულად ACT-ის ვებსაიტზე.