სულ ცოტა ხნის წინ, საქართველოს პირველი არხის გადაცემაში დღის კოდი თორნიკე ყიფიანის ახალი სიმღერის პრემიერა შედგა. სიმღერა, სახელწოდებით You, საქართველოს 2021 წლის ევროვიზიის სიმღერის კონკურსზე წარადგენს.

მულტიჟანრობრივი საკონკურსო სიმღერა თავად მომღერალს ეკუთვნის, არანჟირებაზე კი ყიფიანთან ერთად ალეკო ბერძენიშვილმა იმუშავა. სიმღერის სტუდიური ჩანაწერის შექმნაში მონაწილეობა მიიღეს მარიამ შენგელიამ, მარიკო ლეჟავამ, ალეკო ბერძენიშვილმა და გორის გოგონათა გუნდმა.

აღსანიშნავია სიმღერაზე შექმნილი ვიდეოკლიპიც, რომლის გადაღებები საქართველოს სხვადასხვა კუთხეში მიმდინარეობდა. ვიდეოში მარიამ ალექსიძის შექმნილი ქორეოგრაფიით მისივე დასიც მონაწილეობს.

ფოტო: EBU

რიგით 65-ე ევროვიზიის სიმღერის კონკურსი 18, 20 და 22 მაისს გაიმართება ნიდერლანდების ქალაქ როტერდამში. საქართველოს წარმომადგენელს თავდაპირველად 20 მაისს, მეორე ნახევარფინალში ვიხილავთ, რომლის წარმატებით დაძლევის შემთხვევაშიც თორნიკე ყიფიანი ფინალში გადაინაცვლებს და გამარჯვებისთვის იბრძოლებს.

ყოველწლიურ მასშტაბურ მუსიკალურ შეჯიბრებაში, რომელსაც 180 მილიონი მაყურებელი ადევნებს თვალს, წელს 40 ქვეყანა მიიღებს მონაწილეობას.

მიუხედავად იმისა, რომ კიდევ წინასაკონკურსო მზადებაა, ევროვიზიას ხმაურიანი განხილვები წელსაც მოჰყვა რამდენიმე ქვეყანაში. ამის შესახებ უფრო ვრცლად ქვემოთ მოცემული სტატიებიდან შეიტყობთ.

ასევე იხილეთ: