ხავიერ ბარდემისა და პენელოპე კრუზის წყვილი რეალური ცხოვრებიდან კიდევ ერთხელ გადაინაცვლებს კინო ეკრანზე და ამჯერად კოლუმბიელ ნარკობარონსა და კონტრაბანდისტზე შექმნილ ფილმში ითამაშებენ.

ფილმის სიუჟეტი რეალურ ამბავზეა დაფუძნებული და ის ესკობარისა და ჟურნალისტ ვირჯინია ვალეხოს რომანტიკულ ურთიერთობაზეა.

ფოტო: Escobar

პაბლო ესკობარი კოლუმბიელი ნარკობარონი იყო. აშშ-ის ტერიტორიაზე შეტანილი კოკაინის 80%-ს სწორედ ის აკონტროლებდა. კოკაინის მეფედ წოდებული ესკობარი, ყველაზე მდიდარი კრიმინალი იყო ისტორიაში და 1990-იანების დასაწყისში მისი ქონება 30 მილიარდ ამერიკულ დოლარად იყო შეფასებული. თავისი საქმიანობის დიდების ხანაში ის მსოფლიოს 10 უმდიდრეს ადამიანს შორის იყო და მის მიერ აშენებულ Hacienda Nápoles-ში ცხოვრობდა.

ფილმი ეკრანზე 2017 წელს გამოვა.