ინფექციური საავადმყოფოს დირექტორისა და კლინიკური ჯგუფის ხელმძღვანელის, თენგიზ ცერცვაძის განცხადებით, ვარაუდობენ, რომ ქვეყანაში ვაქცინაციის პროცესი ორშაბათიდან, 15 მარტიდან დაიწყება.

"მინიმალური დაყოვნება იქნება ვაქცინის შემოტანის შემდეგ. შაბათს ელოდებიან, რომ შემოვა. ვვარაუდობთ, რომ ორშაბათიდან ჩვენ დავიწყებთ ვაქცინაციას. შემოდის AstraZenecca-ს პარტია, შემდეგ შემოვა შეპირებული Pfizer-ის ვაქცინა 30 000 დოზა, პარალელურად მიმდინარეობს ორმხრივი მოლაპარაკებები მწარმოებლებთან და დიდი ალბათობით, მალე შემოვა 150 000 დოზა კიდევ", — განაცხადა ცერცვაძემ.

11 მარტს მინისტრმა განაცხადა, რომ საქართველოში ვაქცინის შემოტანის თარიღმა გადმოიწია და AstraZeneca-ს შემოტანა შაბათიდან, 13 მარტიდან დაიწყება.