საქართველოს საკონსტიტუციო სასამართლომ არსებითად განსახილველად მიიღო არასამთავროო ორგანიზაცია ადამიანის უფლებების სწავლებისა და მონიტორინგის ცენტრის (EMC) კონსტიტუციური სარჩელი სოციალური დახმარების შესახებ.

კერძოდ, მოსარჩელე ასაჩივრებს წესს, რომლის თანახმად, სოციალურად დაუცველი ოჯახების მონაცემთა ერთიან ბაზაში რეგისტრაციისა და საარსებო შემწეობის მიღებისათვის აუცილებელია მუდმივი საცხოვრებელი ადგილის ქონა.

მოსარჩელის განცხადებით, საცხოვრებელი ადგილის არმქონე, უსახლკარო პირებს შესაძლებლობა არ აქვთ, განცხადებით მიმართონ სახელმწიფო ორგანოს, მოითხოვონ მონაცემთა ერთიან ბაზაში რეგისტრაცია და მიიღონ საარსებო შემწეობა.

მოსარჩელე მიიჩნევს, რომ სადავო ნორმები ქმნის არათანასწორ გარემოს, ლახავს მის პატივსა და ღირსებას, არღვევს სიცოცხლისა და სოციალურ უფლებებს.